प्रिय बादल !

  • 4
    Shares

शिवप्रसाद ढु‌गाना

ऊ बेला
रेडियो जनगणतन्त्र नेपालले
‘पूर्वी कमाण्ड ईञ्चार्ज’ भनेर नाम फुक्दा
म बबुरो बादल हेर्न
कि ट्याम्केतिर फर्केको हुन्थें
कि त नुम्मुरको फेदितिर
आकाश हेर्दा
निश्छल पवित्र निलो रङ्ग पाउँथे
र, तुलना गर्थे
तिमीलाई निलो आकाशसँग
तिमीप्रतिको मेरो बिम्ब
यसरी बनेको थियो ।
हो, त्यो आकासँगै घुम्ने बादल
जसले निलो आकाशलाई
जसरी निष्पट्ट कालो बनाउँछ
त्यसरी नै प्रिय बादल !
तिमी सत्तामा पुगेपछि
न्यायको निलो आकाशमा
बादल लागेको लाग्यै छ,
तिमी समेत लडेर ल्याएको गणतन्त्रमा
निर्मला पन्त वा भागरथी भट्ट हुन्
उनीहरूले न्याय नपाइरहने
तिमीले सत्ता पाइरहने
प्रिय बादल,
के भएको हो यस्तो ???


  • 4
    Shares
प्रतिक्रिया दिनुहोस्