ज्योति लाइफले साधारण सेयर बिक्री गर्दै

  • 2
    Shares

काठमाडाै‌ । एकपछि अर्को गर्दै साधारण सेयर बिक्री गर्ने क्रम बढ्दै गएको छ। ग्रिन लाइफ हाइड्रो पावरको शुक्रबार मात्रै साधारण सेयरको बााँडफाँट भएको छ।

महिला लघुवित्त वित्तीय संस्थाको पनि साधारण सेयर बाँडफाँटका क्रममा रहेको बेला अर्को एक कम्पनीले साधारण शेयर (आईपीओ) बिक्रीको स्वीकृति पाएको छ। नेपाल धितोपत्र बोर्डले ज्योति लाइफ इन्सुरेन्स कम्पनीलाई साधारण सेयर बिक्रीको अनुमति दिएको छ। कम्पनीले कूल रु ६६ करोड बराबरको ६६ लाख कित्ता साधारण सेयर बिक्रीको अनुमति पाएको हो।

कम्पनीले कूल पूँजीको ३० प्रतिशत बराबरको साधारण शेयर बिक्री गर्न लागेको छ। कम्पनीको सेयर बिक्री प्रबन्धमा एनएमबी क्यापिटल रहेको छ। बिक्री प्रबन्धकले केही दिनभित्रै सार्वजनिक विवरण प्रकाशन गर्ने तयारी थालेको छ।

पछिल्ला दिनमा साधारण सेयरमा लगानी गर्नेको आकर्षण बढेको छ। पछिल्लो विवरणअनुसार कूल २८ लाख ८३ हजारले हितग्राही खाता खोलेका छन्। यस्तै अनलाइन कारोवारका लागि नेप्सको टिएमएस सेवा लिनेको सङ्ख्या मात्रै तीन लाख ५० हजार बराबर पुगेको छ। पछिल्ला दिनमा साधारण सेयर बिक्री गरेको पूर्वाधार बैंक, चन्द्रागिरि हिल्स लिमिटेड, पुनर्बीमा कम्पनीका कारण सेयर बजारमा नयाँ लगानीकर्ताको प्रवेश भएको छ।

रासस


  • 2
    Shares
प्रतिक्रिया दिनुहोस्