बहसका लागि आह्वान : १० वर्षे महान जनयुद्ध र माओवादी आन्दोलन

  • 203
    Shares

करण मुक्मिन
हामी प्रत्यक्ष निर्वाचित कार्यकारी राष्ट्रप्रमुखको पक्षमा निरन्तर वकालत गरिरहेका छौ । १० वर्षे जनयुद्ध, संघीयता, गणतन्त्र, समानुपातिक समावेशिता, धर्मनिरपेक्षता र छुवाछुत मुक्त समाजको मुख्य मुद्धा र नारा लिएर भएको थियो ।

१० वर्षे जनयुद्धले उठाएका मुल मुद्धामा केन्द्रीत भएर १२ बुँदे सहमति सम्झौता मात्र भएन सात राजनीतिक दलसँगको सहकार्यमा ६२/६३ को जनआन्दोलन मार्फत २ सय ४० वर्षदेखि जगडिएको राजतन्त्रले घोडा टेक्न बाध्य भयो । त्यसपछि भएको दुईपटकको संविधानसभा निर्वाचनबाट अन्तत घनिभुत छलफल विमर्श पश्चात ०७२ अशोज ३ गते संविधान जारीनै भयो ।

मुलत संविधानसभाबाट जारी भएको ०७२ को संविधानमा १० वर्षसम्म भएको जनयुद्धले उठाएका मुलभुत मर्महरु समेटेको जगजाहेरनै छ । संघीयता अन्तर्गत ७ सात प्रदेशमा मुलुक रुपान्तरित भयो र अहिले सवै प्रदेशहरु अभ्यासरतनै देखिन्छन् । यसैगरि ०६२/०६३ को जनआन्दोलनपछिनै राजतन्त्रको समुल अन्त्य भई गणतन्त्र स्थापना भईसकेको छ । राज्यका हरेक संरचना संयन्त्रहरुमा समावेशिताको अभ्यास भईनै रहेको छ । मुलुक धर्मनिरपेक्षता घोषणा भईसकेको छ । यता जातीय विभेद छुवाछुतका घटनाहरु समेत निर्मुल हुने क्रममा छ ।

तर आज तिनै मुलभुत मर्म बोकेको संविधान कार्यन्वयन गर्ने तहमा भने यसै मर्म विपरितका गतिविधि गर्नेहरु नेतृत्व तहमा पुगे वा भनौ कार्यन्वयन गर्ने तहमा पुगे । आज तिनै १० वर्षे जनयुद्धले बोकेको मुल मर्म भावनालाई जवरजस्ति मानेजस्तो मात्र गर्ने नाटककारहरु मुलप्रवाहको नाटक मञ्चन गरिरहेका छन् । र हिजो तिनै मुद्धाका लागि हजारौको ज्यान आहुति दिदै स्थापित भएको पार्टीलाई किनारकृत गर्ने दुस्साहस गरिरहेका छन् ।

ती नाटककारहरुलाई खुल्ला बहसका लागि चुलो निम्तो दिन चाहन्छु । के यो निम्तो स्विकार्न तयार हुनुहुन्छ ? फल मन पर्ने, फल पाउँदा खुसि हुने प्रफुल्ल हुने तर बोट मन पराउन नचाहने वा देखेर अनेक बाहानाबाजीको नाटक गर्ने शैली आज मुलप्रवाहमा हावी भएको छ ।

माओवादी र माओवादी आन्दोलन मन नपर्ने, माओवादीले १० वर्ष राजतन्त्रको विरुद्ध धर्म सापेक्षताको विरुद्ध एकात्मक राज्यको विरुद्ध युद्ध लडेर जसरी ति मुद्धा स्थापित भएको छ । संघीयता स्थापित भएको छ । तिनै चिजको मालिक बन्न तछाडमछाड गर्ने ? आज हामी आम जनतासँग क्षमायाचना गर्न चाहन्छौ । यो अर्थमा क्षमायाचना गर्न चाहन्छौ कि संघीयता धर्म निरपेक्षता तथा गणतन्त्र मन नपराउनेलाई त्यसैको नेतृत्वको अगुवाई गर्न लगाईयो । बादरलाई लिस्नो बनाईदिन सहयोग गरेकोमा हामी आत्माआलोचित हुन चाहन्छौ । सत्तालिप्त चरम दलाल पुँजिपति र भ्रष्टहरुले बास्तव्मा अहिले संघीयताको धज्जि उडाईरहेको हेर्दा खिन्न छौ । किनकी यी सव चरम दुरुपयोगका उदाहरण हुन् ।

बयलगाडामा सवारहरुले संघीयतालाई लुटिखाने भाडो बनाए र लुटिरहन तल्लिन भए । जसको विचार उसको नेतृत्व नभए भान्सा लुछाचुडी गर्नूबाहेक अरु केही नहुदो रहेछ । अव स्थापित उपलव्धीको रक्षा गर्नका लागि सम्पुर्ण अग्रगामी र क्रान्तिकारी युवाहरु एकजुट भएर मात्र सम्भव हुने निश्चित छ ।

अव बहसका लागि एकजुट भएका युवाहरु तयार रहनुको विकल्प छैन । तथ्य र ठोस प्रमाणसहित स्वच्छ र स्वस्थ बहसका लागि प्रतिगामी र तिनका मतियारहरुलाई निम्तो दिनुको विकल्प रहेन । केही रुपैयाँ र योजनासँग विचार साटेर हैन, क्षणिक स्वार्थमा लिप्त भई कसैको दास भएर पनि हैन । मुलुक र जनजीविकाको सवालमा प्रष्ट भएर बहसका लागि तपाई आउन तयार हुनुहुन्छ ?
हामी त तयार छौ । बहसका लागि निम्तो दिन चाहन्छु ।

( मुक्मिन योङ कम्युनिष्ट लिग वाईसिएलका भोजपुर जिल्ला संयोजक हुन् । यो मुक्मिनका नितान्त व्यत्तिगत विचार हुन् । )


  • 203
    Shares
प्रतिक्रिया दिनुहोस्