आयाेगले दललाई भन्याे – वैशाखमा चुनाव गर्नैपर्ने बाध्यता छ ।

  • 1
    Share

काठमाडाै । निर्वाचन आयाेगले वैशाखमा स्थानीय तहको निर्वाचन गर्नैपर्ने बाध्यता रहेको राजनीतिक दलहरूलाई जानकारी गराएका छन्।  राष्ट्रियसभा र स्थानीय निर्वाचनका सन्दर्भमा प्रमुख निर्वाचन आयुक्त थपलियाले शुक्रबार निर्वाचन आयोगको कार्यालयमै बोलाएर वैशाखमा कुनै पनि हालतमा स्थानीय तहको चुनाव हुनुपर्ने भन्दै त्यसका लागि वातावरण बनाउन दवाव दिएका हुन् । 

शुक्रबारको सर्वदलीय बैठकमा थपलियाले वैशाखमा स्थानीय तहको निर्वाचन गराउन माघको पहिलो हप्तासम्म निर्वाचन घोषणा गरिसक्नुपर्ने बताए । आयोगले ०७९ साल वैशाख १४ गते एकै चरणमा वा दुई चरणमा गर्ने भए वैशाख १४ र २२ गते स्थानीय निर्वाचन गर्न प्रस्ताव गरेको थियो । तर, त्यसबारे सरकारले अहिलेसम्म कुनै निर्णय गरेको छैन । आयोगले माघ पहिलो साता निर्वाचनको मिति घोषणा गरिए सय दिनभित्र पनि निर्वाचन गर्न सकिने बताएको छ ।

शुक्रवार सर्वदलीय छलफल गरेको आयोगले अब प्रधानमन्त्रीसँग यस विषयमा परामर्श गर्ने निर्वाचन आयोगका प्रवक्ता शालिग्राम शर्मा पौडेलले बताए । उनले सर्वदलीय बैठकमा सबै दलहरूबाट स्थानीय निर्वाचनका विषयमा सकारात्मक र रचनात्मक सुझाव आएको बताए ।


  • 1
    Share
प्रतिक्रिया दिनुहोस्